ಭಾರತದ ಉದ್ದಗಲಕ್ಕೂ ಶಕ್ತಿ ಸ್ವರೂಪಿಣಿಯಾಗಿ, ಮಹಾಮಾಯೆಯಾಗಿ, ಮಹಿಷಾಸುರ ಮರ್ಧಿನಿಯಾಗಿ, ಜಗನ್ಮಾತೆಯಾಗಿ, ಜಗತ್ರಕ್ಷಕಿಯಾಗಿ ಈ ಪುಣ್ಯ ಭೂಮಿಯ ಜನಮಾನಸದಲ್ಲಿ ಶ್ರೀ ದುರ್ಗೆ ಅಚ್ಚಳಿಯದಂತೆ ನೆಲೆ ನಿಂತಿದ್ದಾಳೆ.

ಶಾಕ್ತ ಪುರಾಣದ ಪ್ರಕಾರ ಶಿವನ ಜಟೆಯಿಂದ ಅವತರಿಸಿದ ವೀರಭದ್ರ, ಪರಶಿವನ ಉಗ್ರ ಸ್ವರೂಪಿ. ಪಿತೃವಾಕ್ಯ ಪರಿಪಾಲನೆ, ನಿಷ್ಠೆ, ವೀರತ್ವ, ಕ್ಷಮಾಭಾವ, ಮುಂತಾದ ವಿಶಿಷ್ಠತೆಗಳನ್ನು ಹೊಂದಿರುವ ಶ್ರೀ ವೀರಭದ್ರ ದೇವರು ಶೆಟ್ಟಿಗಾರ ಕುಲಸಂಜಾತರ ಕುಲದೇವತೆಯೂ ಆಗಿದ್ದಾರೆ.

ಶ್ರೀ ಕ್ಷೇತ್ರ ಸಾಲಿಕೇರಿಯ ಧಾರ್ಮಿಕ ಪೂಜಾರಾಧನೆಯ ಸಂಪ್ರದಾಯದಲ್ಲಿ ಸಿರಿ ದೈವಾರಾಧನಾ ರೀತ್ಯಾ ಪದ್ಧತಿಯ ಪರಂಪರೆಯನ್ನು ಅನುಸರಿಸಿಕೊಂಡು ಬಂದಿರುವುದು ಪ್ರಮುಖ ವಿಚಾರವಾಗಿದೆ.

ಉಡುಪಿ ಜಿಲ್ಲೆಯ ಪ್ರಸಿದ್ದ ಪುಣ್ಯ ಕ್ಷೇತ್ರಗಳಲ್ಲಿ ಶ್ರೀ ಕ್ಷೇತ್ರ ಸಾಲಿಕೇರಿಯೂ ಧಾರ್ಮಿಕ ಶಕ್ತಿಕೇಂದ್ರವಾಗಿ ಪರಿಗಣಿಸಲ್ಪಡುತ್ತದೆ.